ҚР Президенті Н. Ә. Назарбаев өз жарлығымен 31 мамырды Саяси қуғын-сүргін құрбандарын еске алу күні деп жариялады. Қоғам жазықсыз жапа шеккен, саясаттың құрбаны болған өз азаматтарын ешқашан ұмытпақ емес. Еш кінәсі жоқ миллиондаған адамдардың тағдырын талқан еткен ол кезең жұрттың жадында жазылмайтын жара болып қалмақ.
21 мамырдан бастап Әмбебап оқу залында Саяси қуғын-сүргін және аштық құрбандарын еске алу күніне арналған «Тарихтың қилы кезеңдері» кітап көрмесі жұмыс істейді. Оған қуғын-сүргінге ұшыраған саяси қайраткерлер, халықтардың жер аударылуы және Қазақстандағы аштық туралы материалдар қойылған.