74.03(5Қаз)
Б 20
Байтасұлы, А.
Көркем әдебиет туралы [Мәтін] : төл еңбегі мен көсемсөздер
жинағы / А. Байтасұлы ; [құраст. Ұ. Сәйдірахманұлы ; жалпы ред. бас. Е. Тоқтарбай ; Qyr balasy қоғамдық қоры ; Ә. Бөкейхан
атындағы «Алаш» ҒЗИ Ғылыми кеңесі ; ҚР Орталық мемлекеттік
архиві]. – Нұр-Сұлтан : Qyr balasy, 2021. – 237 б. : портр. – (Алаш
кітапханасы).

Кітапта репрессия құрбаны, ұлттық білім беру ісінің негізін қалаушылардың бірі Абдолла Байтасұлының туындылары жинақталған. Ол – Ахмет Байтұрсынұлы жетекшілік еткен Білім кеңесінің белсенді мүшесі, мектепке арнап оқу құралдарын әзірлеген алаш оқығандарының бірі.
XX ғасырдың басында дүниеге келіп, 30 жасына жетпей кеңестік қудалауға ұшыраған Абдолла – санаулы ғұмырында қажетті кітаптар жазып, көсемсөздерімен көзге түскен көрнекті қаламгер. Сонымен бірге журналистігі мен ұстаздығы бір-бірімен біте қайнасқан талант иесі.
Қолдарыңыздағы бұл жинаққа оның төл кітабы мен басылымдарда жарық көрген көсемсөздері топтастырылып отыр.
Кітап ұлт руханиятына қызығатын көпшілік оқырмандарға арналған. Сондай-ақ көсемсөздің үздік үлгілерімен танысқысы келетін зерттеуші қауым үшін де құнды еңбек.