Оқу құралында жануарлардың жұқпалы ауру қоздырушыларының морфологиялық, тинкториалдық, өсінділік, биохимиялық, антигендік және патогендік қасиеттеріне сипаттама берілген. Сонымен қатар, қоздырушының патогендік қасиеттері сезімтал организмінде олар тудыратын патологиялық процестермен кешенді түрде қарастырылған. Студенттерге түсінікті болу үшін жұқпалы аурулардың пайда болуындағы қоздырушының ролі, аурудың патогенезі, клиникалық көрінісі, патологиялық-анатомиялық өзгерістері сипатталған және ауруды балау әдістері мен дифференциалды балауы көрсетілген.