Республикалық «Бір ел – бір кітап» акциясы комиссиясының шешімімен 2020 жылы жалпы халықтық оқу үшін Мұхтар Әуезовтың «Абай жолы» және Әнуар Әлімжановтың «Ұстаздың оралуы» романдары таңдап алынды.

 «Абай жолы» – Мұхтар Әуезовтың қазақтың атақты ақыны Абай Құнанбаевтың өмірі жайындағы роман-эпопеясы. Әнуар Әлімжановтың «Ұстаздың оралуы» – Әбу Насыр әл-Фарабидің ақиқатты іздеп елдерді аралауы туралы роман, онда басты кейіпкердің өмірдегі әділетсіздіктен жанының күйзелгені, мәңгілікке жоғалған қыпшақ даласын ойлап мұңға батқаны суреттеледі.   Романның басты қаһармандары – әлемдік деңгейдегі ұлылардың қатарына енген, өмірде болған тарихи тұлғалар. Таңдаудың аталған кітаптарға түсуіне 2020 жылы Қазақстанда Әл-Фарабидің 1150 жылдығын және Абай Құнанбаевтың 175 жылдығын мерекелеу себеп болған.

Абонементтер бөлімінде акцияға қатысушы кітаптар қойылған көрме жұмыс істеп тұр. Барлығыңызды осы шығармалармен танысуға шақырамыз!