Құрметті оқырмандар, Өнер туралы әдебиеттер бөлімі назарларыңызға «Зерделі мүсіннің зергері» бейнешолуын ұсынады.  Хәкімжан Наурызбаев – кеңестік және қазақстандық мүсінші, Қазақ КСР халық суретшісі, Қазақ КСР еңбек сіңірген мәдениет қайраткері, қазақтан шыққан алғашқы кәсіби мүсінші, Қазақстандағы ұлттық монумент өнерінің негізін қалаушылардың бірі. Сыпайы, қарапайым, кез келгенмен тіл табысатын, атақтар мен құрметтерге қызықпайтын Хакімжан аға барлық толып жатқан атақтарының ішінен «алғашқы мүсінші қазақ» деген ерекше мәртебесін мақтаныш тұтты.  Бұл негізсіз де емес еді, себебі  Хәкімжан Наурызбаевтың өмірі, оның қазақтан шыққан алғашқы кәсіби мүсінші ретінде қалыптасу тарихы Абай Құнанбаев ескерткішін тұрғызу тарихымен тығыз байланысты болатын.