Құрметті пайдаланушылар! Қостанай жері Қазақстанның атақты ұлдарының – кемеңгер билер мен құдіретті батырлардың шыққан жері. Бұл жерде Кенесары хан, Амангелді Иманов пен Кейкі батыр бастаған ұлт-азаттық көтерілісінің негізгі ұрыс қимылдары өтті. Біздің өңіріміз ұлы ғалым және саяхатшы Шоқан Уәлихановтың, ағартушы Ыбырай Алтынсариннің, қоғам қайраткерлері Ахмет Байтұрсыновтың және Міржақып Дулатовтың туған жері болып табылады.
Қостанай облысының 85 жылдығына орай абонементтер бөлімі «Өскен өңір» атты жаңа медиа жобаны бастайды, ол біздің туған өлкеміз туралы баяндайтын бейнешолулар циклін ұсынатын болады.