Құрметті оқырмандар! Абонементтер бөлімі Қазақстан Жазушылар одағының мүшесі, публицист, прозашы, драматург, педагог және аудармашы Зейтін Ақышевтің туғанына 110 жыл толуына арналған «Толқыннан толқын туады» атты кітап көрмесін ұсынады. Көрмеге қойылған  «Вдовы», «Бұршақ соққан жер», «Бәрі де есте», «Ақбел асуы»  кітаптарында Ұлы Отан соғысы жылдарында ауылдағы, тылдағы және майдандағы адамдардың өмірі мен еңбегі суреттелген. Белгілі композиторлар мен әншілердің шығармашылық жолын зерделей келе Зейтін Ақышев «Жаяу Мұса», «Иманжүсіп»  кітаптарын жазды. Оның шығармалары бойынша республика театрларының сахналарында  «Жаяу Мұса», «Невестки», «Не уйдёт» пьесалары қойылды. Ол В.Панованың «Кружилиха» романын, А.Куприннің «Поединок» повесін, Я.Коластың «Трясина» әңгімесін қазақ тіліне аударды. Оның бірқатар шығармалары орыс тіліне аударылды.

Көрме 2021 жылдың 12 сәуірінен 12 мамырына дейін жұмыс істейді.