20 мамыр күні Қазақстан Республикасының Ұлттық кітапханасының ұйымдастыруымен белгілі қоғам қайраткері, жазушы Олжас Сүлейменовпен онлайн-кездесу өтті. Бұл кездесу қаламгердің 85 жылдығына арналды. Іс-шараға республиканың барлық аймағынан: Алматы облысынан бастап еліміздің түкпір-түкпіріндегі кітапханалар қатысты. Сондай-ақ, Олжас Сүлейменовті біздің облыстық әмбебап ғылыми кітапхананың қызметкері Дәулет Жадырасын кітапхана ұжымының атынан құттықтады. Осыдан соң кітапханамыздың тұрақты оқырманы, «Невада-Семей» қозғалысының қатысушысы Сәтмұхамбетов Серік Өмірзақұлы Олжас Сүлейменовтың өлеңдерін оқып берді.