11 қарашада Өлкетану әдебиеттері бөлімінің әдеби-ақпараттық секторының қызметкерлері Абонементтер бөлімімен бірлесе отырып әлемге әйгілі классик Федор Михайлович Достоевскийдің туғанына 200 жыл толуына арналған кеш ұйымдастырды. 

Кеште жазушының ең танымал төрт шығармасына: «Идиот», «Преступление и наказание», «Братья Карамазовы» және «Бесы» атты туындыларына егжей-тегжейлі шолу жасалды. Қостанайлық белгілі музыкант Талғат Мұхамеджановтың фортепианода өнер көрсетуі, сондай-ақ «63» шығармашылық ұжымының «Достоевский жив» әнін орындауы кештің музыкалық сыйлығы болды.  

Іс-шараның соңында қонақтар арнайы дайындалған плакатқа өз пікірлерін қалдырды. Студенттер мен қаланың шығармашылық зиялы қауым өкілдері қатысқан кеш келушілердің көңілінен шығып, олардың жақсы пікірлеріне ие болды.