2021 жылғы 1 қыркүйекте Қазақстан Республикасының Президенті Қасым-Жомарт Тоқаев «Халық бірлігі және жүйелі реформалар – ел өркендеуінің берік негізі» атты Қазақстан халқына жолдауын арнады. 

Әмбебап оқу залында кітапхана пайдаланушыларының назарына «Президент жолдауындағы жаңалықтар» атты кітап көрмесі ұсынылды.

Көрменің көрнекті жеріне жолдаудың «Ақиқат» ұлттық қоғамдық-саяси журналында және «Мысль» республикалық қоғамдық-саяси журналында жарияланған мәтіні қойылған. Бүгінгі таңда және ұзақ мерзімді келешекте республика алдында тұрған өзекті мәселелер мен міндеттерді ашып көрсететін кітап басылымдары да қызығушылық тудырады. Сондай-ақ елімізде және шетелдерде болып жатқан аса маңызды оқиғаларды баяндайтын газеттер: «Егемен Қазақстан» республикалық газеті мен Қазақстанның жалпы ұлттық газеті, республикадағы ресми және іскерлік ақпараттың басты көзі «Казахстанская правда» газеттеріндегі мақалалар да назар аударуға тұрарлық. 

Көрме өз жұмысын ағымдағы жылдың соңына дейін жалғастырады.