3 наурызда Өлкетану әдебиеттері бөлімі көрнекті қоғам қайраткері, ғалым, педагог Елдес Омаровтың туғанына 130 жыл толуына арналған «Елдес жолы – ұрпаққа үлгі» атты еске алу кешін өткізді.

 Кешке белгілі ғалымдар, оқытушылар – Қазақстан Жазушылар Одағының мүшесі, ақын, драматург, Қазақстанның құрметті журналисі, ҚР еңбек сіңірген мәдениет қайраткері, А. Байтұрсынұлы ат. Қостанай өңірлік университетінің профессоры Ақылбек Шаяхмет, тарих ғылымдарының кандидаты, А. Байтұрсынұлы ат. Қостанай өңірлік университетінің қауымдастырылған профессоры Серікжан Сағындықұлы Исмаилов қатысты. Кеш барысында қазақ халқының даңқты ұлының өмірі мен қызметі туралы баяндайтын фильмнен үзінділер көрсетілді. Іс-шара қонақтары Елдес Омаровқа арналған әсерлі өлеңдер оқыды.