14 наурызда Л. Н. Толстой ат. ҚОӘҒК әмбебап оқу залы Наурыз мерекесі қарсаңында «Наурыз айы туғанда» атты музыкалық-танымдық кеш өткізді.

Наурыздың ортасында ежелгі дәстүр бойынша күн мен түннің теңелу мейрамының алдында «Көрісу» өтеді, бұл «жүздесу» немесе «кездесу» дегенді білдіреді. Іс-шара қонақтары осы бір жақсы және ежелгі дәстүрмен танысты.

Кештің құрметті және сыйлы қонақтары болған А. Байтұрсынұлы ат. ҚӨУ доценті Қ. М. Мырзағалиева, «Қостанай таңы» газетінің тілшісі Қиысхан Қыдырбек қатысушыларды көктем және молшылық мерекесімен құттықтады!

Тартымды, көркем безендірілген қызықты кітап көрмесі қазақ халқының салт-дәстүрлері туралы әңгімелеп қана қоймай, мерекелік көңіл күйді жеткізе білді. Ұлттық тағамдардан дәм татыру, дәстүрлі бата беру, киіз үйдің тұрмыстық заттармен әдемі безендірілуі көктем мерекесі мен бірлік ахуалын жеткізе алды.