Өнер туралы әдебиеттер бөлімінде Қазақстандағы ең сүйікті мерекелердің бірі – көктемгі күн мен түннің теңесуі күніне арналған «Наурыз – мәңгілік ел салтанаты» атты безендірілмелі кітап көрмесі жұмыс істеп тұр.

«Наурыз» «көктемнің тууы» дегенді білдіреді. Бұл шығыс халықтарының ең маңызды және ежелгі мерекесі. Шын мәнінде, бұл ежелгі шығыс күнтізбесі бойынша Жаңа жыл. Оның  «Ұлыс күні» немесе «Ұлыстың ұлы күні» деген басқа да атауы бар. Наурыз мерекесін мол дастарқанмен қарсы алу және жақсылап тойлау үйге бір жыл бойы молшылық пен табыс әкеледі деп саналады. Мерекелік рәсімдер мен әдет-ғұрыптардың көптігі осы нанымдармен түсіндіріледі.

Көрмеге қазақ халқының тарихы, салт-дәстүрлері туралы баяндайтын ұлы Наурыз мерекесіне арналған мерзімді басылымдар мен кітаптар қойылған.