«Рухани жаңғыру» жобасы аясында Абонементтер бөлімі «Sanaly urpaq –2050» қоғамдық қорының төрағасы Әбдібеков Нұрбек Елікбайұлы қонақ болған бейнесұхбат өткізді.
Әңгіме барысында ол бағдарламаның жетістіктері туралы, 5 жыл ішінде бағдарлама аясында не істелгені туралы айтып берді. «Рухани жаңғыру» бағдарламасы Қазақстанның өткені мен болашағына қатысты барлық мәселелерді қамтиды. Оны іске асыру елдің өткенін, бүгіні мен болашағын біріктіруге ықпал ете алады. Кез келген мемлекеттің өркендеуі үшін оның рухани дүниесінің болуы өте маңызды. Өйткені рухани дүние ғана адамға күш береді, өзінің және Отанының жарқын болашағына деген сенімді ұялатады. «Рухани жаңғыру» бағдарламасы осыған бағытталған. Оны жүзеге асыру үшін жұмыс істей отырып біз өзіміз бен балаларымыздың өмірін жақсарта түсеміз.