27 сәуірде, Қазақстан халқының бірлігі күні қарсаңында Л. Н. Толстой ат. ОӘҒК көзі көрмейтін және нашар көретін азаматтармен жұмыс бөлімі «Қазақстан – біздің ортақ үйіміз» тақырыбымен этномәдени бірлестіктердің әдет-ғұрыптарын көрсетті.

Солтүстік Қазақстан өз аумағында тұратын этникалық топтардың дәстүрлеріне, әдет-ғұрыптарына, мәдени мұраларына бай. Жүргізушілердің мереке туралы әңгімесі, үйлену рәсімі мен частушкаларды көрсету көрермендердің көңілінен шықты. Ал көрермендердің орындауындағы әндер мен өлеңдер қатысушылар үшін нағыз сыйлық болды.