Оқырмандарымызға Өлкетану әдебиеттері бөлімінің жыл сайынғы Жазғы оқылым акциясын жалғастырып келе жатқанын еске саламыз. Мәдениет және демалыс саябағында қала тұрғындары тек серуендеп қана қоймай, таза ауада кітап оқи алады. Кітапханашылар бөлім қорынан ең қызықты әдебиеттерді іріктеп алған және оқырмандар назарына жерлестеріміздің қазақ және орыс тілдеріндегі түрлі тақырыптағы кітаптары ұсынылған. Бұл жерден облыстық және қалалық газеттердің соңғы сандарын да табуға болады. Сондай-ақ шахмат ойнау мүмкіндігі қостанайлықтардың үлкен қызығушылығын тудырады – осы спорт түрінің әуесқойлары бір партияны ойнап жіберу үшін үстел басына жиі аялдайды.