Құрметті оқырмандар! Ағымдағы жылдың 25 тамызы мен 12 қыркүйегі аралығында Абонементтер бөлімінде бразилиялық жазушы Пауло Коэльоның 75 жылдығына арналған «Пауло Коэльо – жетістіктің жолы» көрме-таныстырылымы жұмыс істейді.
Аталған көрмеге мазмұны мен айтар ойы бойынша автордың ең үздік және керемет шығармасы «Алхимик» қойылған. Автор онда қызықты және тартымды оқиғаны баяндауға тырыспайды, ол оқырманға оның ойын, ғибратын жеткізгісі келеді. «Заир» романы – атақты жазушының үздік романдарының бірі. Бұл жай ғана кезекті бестселлер емес, оны автордың жан дүниесі, оқиға желісі бойынша баяндалған жүрекжарды жан сыры деуге болады. Жазушының «Одиннадцать минут», «Вероника решает умереть», «Дневник мага», «Победитель остаётся один» және басқа шығармалары да үлкен сұранысқа ие.
Толығырақ танысу үшін барлық тілек білдірушілерді ұсынылған кітап көрмесін көруге шақырамыз.