Қыркүйек – оқу жылының басы. Мектеп білімге ұмтылатындардың, жаңа және белгісіз нәрселерді білгісі келетіндердің барлығына есігін айқара ашады. Абонементтер бөлімінде білім күніне арналған «Мектепке баратын мезгіл» атты кітап көрмесі дайындалды.

Көрмеге түрлі энциклопедиялар, оқу құралдары, мектептің іс-шараларына арналған авторлық жинақтар, педагогикалық және ғылыми-көпшілік журналдардың іріктелген топтамасы және басқа да басылымдар қойылған.

Барлығыңызды кітапханаға келуге, көрмемен және оқу үдерісінде оқушыларға, педагогтарға, студенттерге, тәрбиешілер мен мектеп психологтарына, сондай-ақ білім беру мекемелерінде жұмыс істейтін мұғалімдер мен басқа да мамандарға пайдалы болатын оқулық, ғылыми-танымдық, көркем және басқа да әдеби басылымдарымен танысуға шақырамыз.

Көрме 1–14 қыркүйек аралығында жұмыс істейді.