Абонементтер бөлімінің қызметкерлері Қазақстанның халық жазушысы, қоғам қайраткері Шерхан Мұртазаның туғанына 90 жыл толуына орай А. Байтұрсынұлы ат. ҚӨУ студенттері үшін «Қазақтың қайсар қаламгері» атты кітап көрмесін ұйымдастырды.

Көрмеде мерейтой иесінің әр жылдары жарық көрген кітаптары ұсынылды. Көрмеге келушілер автордың таңдаулы романдары, повестері мен публицистикалық мақалалары жинақталған «Алты томдық шығармалар жинағы» атты 6 томдық басылымға үлкен қызығушылық танытты.

Ұлы Отан соғысы жылдарындағы тылдағы адамдардың ерен еңбегі жайындағы кітапхана қорынан алынған «Соғыстың соңғы жесірі», «Бесеудің хаты», «Белгісіз солдаттың баласы», «Мылтықсыз майдан» кітаптары келушілердің назарын аударған басылымдар болды. Студенттер әйелдердің күрделі тағдыры туралы, жас қазақтардың еңбектегі өмірі, отбасы жайындағы, Отанға деген көзқарас туралы баяндайтын «Ай мен Айша», «Черное ожерелье», «Огненная стрела», «Бойтұмар» шығармаларымен танысты. Көрмеге автордың өмірі мен шығармашылығы жайындағы мерзімді басылымдардан алынған мақалалар да қойылды.