7 желтоқсанда Өлкетану әдебиеттері бөлімінің қызметкерлері мүмкіндігі шектеулі жандар мен А. Байтұрсынұлы атындағы ҚӨУ студенттері үшін кітапхананы таныстыру экскурсиясын өткізді. Оларға Л. Н. Толстой атындағы Қостанай облыстық әмбебап ғылыми кітапханасының тарихы, кітапхананы пайдалану ережелері туралы ақпарат беріліп, оқырмандарға қызмет көрсететін бөлімдер таныстырылды. Әр бөлімде қонақтар қызметкерлерді қызығушылықпен тыңдады, ұсынылған әдебиеттермен танысты, электронды каталогтың жұмысына қызығушылық танытты. Брайль басылымдары, сирек кездесетін қор кітаптары және Америка бұрышындағы ағылшын тіліндегі әдебиеттер үлкен қызығушылық тудырды.

Экскурсия соңында келушілер кітапхана қызметкерлеріне қызықты әңгімелері мен пайдалы ақпараттары үшін алғыстарын білдірді.