Құрметті оқырмандар! Абонементтер бөлімі ғалым, этнограф, жазушы Ақселеу Сейдімбектің туғанына 80 жыл толуына орай назарларыңызға «Ақселеу феномені» виртуалды көрмесін ұсынады.

Ақселеу Сейдімбек қазақ әдебиетінің, өнерінің, мәдениеті мен руханиятының дамуына баға жетпес үлес қосты, тарихымызда жарқын із қалдырды. Автор Қазақстанда этнографиялық және этнологиялық зерттеулердің жандануына ықпал етті. Жазушы өзінің «Қазақ әлемі» атты еңбегінде ертегілер мен аңыздарды, әдет-ғұрыптарды, әуестіктер мен қазақтың шежіресін жинады. Кітапта көшпенділер мен түркі мәдениеттері туралы көптеген мәліметтер берілген. Ақселеу Сейдімбек келер ұрпаққа қолжазба еңбектер түрінде үлкен мұра: 30-дан астам көркем, ғылыми-көпшілік монографиялар мен кітаптар, бірқатар оқулықтар мен 400-ден астам ғылыми мақала қалдырды.