Құрметті оқырмандар! Өлкетану әдебиеттері бөлімі назарларыңызға суырып салма ақын Ақсұлу Орысбайқызының туғанына 150 жыл толуына арналған «Арманына жетпеген ару ақын» тақырыптық сөресін ұсынады. Ақсұлу мен Кеншімбайдың айтысы қазақ айтысы ішіндегі ең бір шоқтығы биік айтыстардың бірі ретінде танылады. Осы айтыстың арқасында Ақсұлу есімі айтыскерлердің арасында ғана емес, Қазақстанның белгілі ғалымдары, ақындары мен жазушылары арасында да танымал болды. С. Мұқанов, А. Байтұрсынұлы, А. Шаяхмет Ақсұлудың музыкалық және поэтикалық талантын жоғары бағалады.

Осы тақырыптық сөреде ұсынылған кітап басылымдары мен журнал мақалалары Ақсұлудың ерекше талантын ашып көрсетеді.