9 наурызда гендерлік теңдік стратегиясы жөніндегі іс-шаралар шеңберінде «Қазақстан әйелдер күштері альянсының» өкілдерімен кездесулер циклі аясында «Әйел: жаңа ғасыр, жаңа бейне, жаңа рөл» атты беделді кездесу өтті. 

Кездесуге Қостанай облысының Жеке сот орындаушыларының аймақтық палатасының сот орындаушысы,«"ОТБАСЫ HELP" отбасылық терапия» жобасының авторы және жетекшісі Басенова Несибели Заривановна қатысты. Әңгімелесу барысында спикер сот жүйесінде жұмыс істеу үшін жігер мен күшті мінездің қажет екенін атап өтті, «"ОТБАСЫ HELP" отбасылық терапиясы» жобасына егжей-тегжейлі тоқталып, жобаны құрудың мақсаты туралы айтып берді, өмірлік қиын жағдайға тап болған қазақстандық отбасыларды сақтаудың маңызды мәселелерін көтерді. Көшбасшы әйелдердің рөлі, әйелдер көшбасшылығының ерекшеліктері және мансаптық мүмкіндіктері туралы мәселелер қамтылды. Көрермендер әңгімеге белсенді қатысып, қонақтың жұмысына қызығушылық танытты. Кездесу соңында Несибели Заривановна әйел басшылардың табысының құпиясымен бөлісті.