26 мамырда А. Байтұрсынұлы атындағы Қостанай өңірлік университетінде саяси және қоғам қайраткері, заңгер Сейдәзім Құлмағамбетұлы Қадырбайдың туғанына 130 жыл толуына арналған «Алаш ардақтысы Сейдәзім Қадырбай: тұлғасы, мұрасы, қайраткерлігі» атты конференция өтті.
Конференцияның ашылуына Абонементтер бөлімі «Алаш партиясы және тарих тағылымы» атты кітап көрмесін дайындады. Көрменің көрнекті жеріне Алашорда белсендісі Сейдәзім Қадырбайдың өмірі мен қызметі туралы басылымдар қойылды, сондай-ақ көрмеде «Алаш» ұлт-азаттық қозғалысының тарихы туралы басылымдар және сол тарихи оқиғалар туралы баяндайтын материалдар ұсынылды.