19 тамызда Ақпараттық-библиографиялық қамтамасыз ету бөлімі «Kostanay Book Fair» кітап көрме-жәрмеңкесі аясында «Балаларға базарлық» жинағының тұсаукесерін ұйымдастырды және өткізді. Кітапты шығаруға өңірімізге танымал жазушы, экономика пәнінің оқытушысы және «Қарлығаш» баспасының директоры Әбутәліп Әмір бастамашы болды. Іс-шараға жинақтың авторлары, кітапхана оқырмандары және қала тұрғындары қатысты. Тұсаукесерге қатысушылар шығармалары жаңа басылымға енген қостанайлық жазушылар мен ақындардың сөздерін қызығушылықпен тыңдады. Іс-шара қонақтары шығармашылық табыс тілей отырып авторларға көптеген жылы сөздер мен ізгі тілектер айтты.