19 тамызда Л. Н. Толстой атындағы ҚОӘҒК өлкетану әдебиеттері бөлімі Қала күнін мерекелеу және «Kostanay Book Fair» II кітап көрме-жәрмеңкесін өткізу аясында филология ғылымдарының докторы, А.Байтұрсынұлы атындағы Қостанай өңірлік университетінің профессоры, фольклоршы, әдебиеттанушы Алмасбек Ахметұлы Әбсадықтың «Серт» және «Ұстаз жолы» кітаптарының тұсаукесерін  өткізді.

Монографиялар замандастары көзінің тірісінде «Ұлт ұстазы» атап кеткен тамаша тұлға Ахмет Байтұрсынұлы жайында қызықты және тартымды баяндалған отандық және шетелдік мұрағаттық деректер, тарихи жазбалар және өлкетану мәліметтері болып табылады.

Ахмет Байтұрсынұлының педагогикалық және шығармашылық қызметінде орын алған, бұрын көп айтылмаған фактілер іс-шара қонақтары мен қатысушылардың қызығушылығын тудырды.