Ақпараттық-библиографиялық қамтамасыз ету бөлімі № 22 жалпы білім беретін мектептің 7–8 сынып оқушыларына экскурсия өткізді. Оқушылар кітапхананың оқырмандармен жұмыс істейтін барлық бөлімдерінде болды.
Сирек кітаптар мұражайында балалар шағын көлемді басылымдардың коллекцияларымен, сондай-ақ Ұлы Отан соғысы жылдарында жарық көрген кітаптармен танысты.
Ақпараттық-библиографиялық қамтамасыз ету бөлімінде балаларға кітапхананың ең «ақылды» кітаптарының суретпен безендірілген беттерін көруге мүмкіндік берілді. 3D нысандағы суретті басылымдар үлкен қызығушылық тудырды.
Америка бұрышында оқушыларға ағылшын тілін үйренуге ықпал ететін көркем безендірілген, мазмұнды балалар кітаптары, ойындар, фотоальбомдар ұсынылды.
Экскурсияның танымдылығы мол болды және оқушыларға көптеген жағымды эмоциялар әкелді.
#Гидқазақстанға #ГидПоКазахстану