11 қаңтарда Өлкетану әдебиеттері бөлімі жазушы, сатирик, этнограф Сейіт Кенжеахметовтың 85 жылдығына арналған «Зейнді зерттеуші» атты этнографиялық танымдық сабағын өткізді.
Іс-шараға Ы. Алтынсарин атындағы мамандандырылған мектеп-гимназия-интернатының оқушылары қатысты. Олардың назарына жазушының өмірі мен шығармашылығы туралы танымдық ақпарат, бейнеролик, сондай-ақ кітап көрмесі ұсынылды. Іс-шара аясында оқушылар Сейіт Кенжеахметовтың «Қазақ халқының салт-дәстүрлері», «Қазақтың дархан дастарханы», «Қазақ халқының тұрмысы мен мәдениеті» және «Мірдің оғы» секілді кітаптарымен танысты. Этнографиялық танымдық сабақтың соңында қазақ халқының салт-дәстүрлері туралы көбірек білуге мүмкіндік беретін викториналар мен зияткерлік ойындар ұйымдастырылды.