Құрметті оқырмандар! Өлкетану әдебиеттері бөлімінің сирек кітаптар мұражайының қоры назарларыңызға орыстың ұлы жазушысы Николай Васильевич Гогольдің туғанына 215 жыл толуына арналған «…Никто не разгадал меня совершенно» көрме-қарауын ұсынады.
Жазушы небір құпиялар мен аңыздарға бөленген жан. «Мен барлығы үшін жұмбақ жанмын», – дер еді ол. Бірақ жазушының өмірі мен шығармашылық жолы қанша жерден жұмбақ болса да, бір нәрсе анық – ол орыс әдебиетінің дамуына баға жетпес үлес қосты.
Көрмеде 1840, 1890, 1900, 1938 және 1951 жылдары жарық көрген Н. В. Гоголь шығармаларының бірегей басылымдары ұсынылған. Бұл Н. В. Гогольдің драмалық туындылары, шығармалары мен хаттары.
Көрме кітапхананың екінші қабатындағы фойеде үш ай бойы жұмыс істейді.