2024 жылғы 17 мамырда Л. Н. Толстой атындағы Қостанай ОӘҒК Мемлекет басшысы Қ. К. Тоқаевтың Ұлттық құрылтайдың III отырысында сөйлеген сөзі бойынша «Ортақ мақсат, орынды тілек тоғысы» тақырыбында әңгіме-талқылау өткізді.
Әңгіме-талқылауға тарих ғылымдарының кандидаты, А. Байтұрсынұлы атындағы Қостанай өңірлік университетінің Әлеуметтік-гуманитарлық пәндер кафедрасының қауымдастырылған профессоры Шәукен Жангелді Арсенұлы, студенттер, кітапхана оқырмандары және кітапханашылар қатысты.
Талқылаудың басты тақырыбы Құрылтайды өткізудің маңыздылығы және оның республиканың саяси және әлеуметтік өміріне әсері болды. Қатысушылар экономикалық даму, әлеуметтік бағдарламалар, білім беру және мәдениет саласындағы бастамалар сияқты негізгі аспектілерді талқылай отырып Мемлекет басшысының сөйлеген сөзіне қатысты пікірлерін ортаға салды және алған әсерлерімен бөлісті.
#гидқазақстанға #гидпоказахстану