2024 жылғы 21 мамырда «Л. Н.Толстой атындағы Қостанай облыстық әмбебап ғылыми кітапханасы» КММ секциялық отырыс аясында «Кітапхана – инновациялық даму аумағы» шеберханасын өткізді.
Іс-шарада Қостанай облысы әкімдігі мәдениет басқармасының кеңейтілген алқасының хаттамасында және Мемлекет басшысы Қ. К. Тоқаевтың ұлттық құрылтайдың ІІІ отырысында сөйлеген сөзінде көтерілген мәселелердің жүзеге асырылуы талқыланды.
Әріптестер әлеуметтік желілерді жүргізуде кездесетін қиындықтарды ортаға салып, өз жетістіктерімен бөлісті. «Л. Н. Толстой атындағы Қостанай ОӘҒК» КММ және «Қостанай облысының Жастар ресурстық орталығы» КММ мамандары қызмет көрсету бөлімдерінің кітапханашылары үшін әлеуметтік желілермен жұмыс бойынша шеберлік сыныптарын өткізді. Осылайша шеберхана кітапханашыларға әлеуметтік желілерді жүргізудің жаңа әдістері мен технологияларын үйренуге мүмкіндік берді.
#гидқазақстанға #гидпоказахстану