28 мамырда Әмбебап оқу залы Саяси қуғын-сүргін және ашаршылық құрбандарын еске алу күніне арналған «Қаралы жылдардың қасіреті» атты еске алу сағатын өткізді.
Іс-шараның басында қайтыс болғандарды еске алу үшін бір минут үнсіздік жарияланды.
Іс-шараға тарих ғылымдарының докторы, А. Байтұрсынұлы атындағы ҚӨУ профессоры Лёгкий Дмитрий Максимович, Қазақстан тарихы кафедрасының меңгерушісі, тарих ғылымдарының кандидаты, А. Байтұрсынұлы атындағы ҚӨУ қауымдастырылған профессоры Исмаилов Серікжан Сағындықұлы, тарих ғылымдарының магистрі, А. Байтұрсынұлы атындағы ҚӨУ әлеуметтік-гуманитарлық факультеті деканының тәрбие жұмыстары жөніндегі орынбасары Жүсіпов Руслан Батырханұлы, педагогикалық еңбек ардагері, облыстық поляк этномәдени бірлестігінің мүшесі Крайчинская Валентина Станиславовна қатысты.
Кездесуге келген қонақтар тыңдаушыларға халықтардың Қазақстанға жер аударылуы туралы, жазықсыз сотталған мемлекет және саяси қайраткерлер туралы, ұжымдастыру кезеңіндегі ашаршылық туралы айтып берді.
Кездесу барысында сол бір қайғылы оқиғалар туралы бейнематериалдар көрсетілді.
Еске алу кешін көлемді кітап көрмесі толықтырды.
#гидқазақстанға #гидпоказахстану