Өнер туралы әдебиеттер бөлімі халық ақыны, әнші, музыкант Кенен Әзірбаевтың туғанына 140 жыл толуына арналған «Ән кемеңгері – Кенен Әзірбаев» атты безендірілмелі кітап көрмесін көруге шақырады.
Кененнің әндері – халықтың тарихы, бұл біздің дәстүрлеріміздің айнасы. Кенен Әзірбаев өзінің шығармашылық еңбегі үшін қазақ халқының жалпыға ортақ сүйіспеншілігі мен құрметіне ие болды. Оның көптеген шығармалары әртүрлі тілдерге аударылды.
Көрме ақынның өмірі мен шығармашылығы, қоғамдық қызметі, шығармалары, оның туған жері жайындағы зерттеу жұмыстары туралы ауқымды материалдарды қамтиды. Оқырмандар Кенен Әзірбаевтың «Бозторғай», «Жан серігім, домбыра», «Қосылған қоңыр қазға әнмен үнім» басылымдарымен және т. б. таныса алады.
#гидқазақстанға #гидпоказахстану