11 қарашада кітапхананың жиналыс залында жылдың тамаша мезгіліне – күзге арналған «Все краски осени прекрасной…» атты концерт өтті.
Лариса Сергазина жетекшілік ететін «Встреча друзей» музыкалық клубы тамаша туындыларға арқау болған күздің керемет көрінісі жайында әңгімелесу және сүйікті әндерін айту үшін достардың басын қосты.
Кездесуді аккордеонда орындалған шығарма ашты, одан әрі бәрінің көңілінен шыққан «Засентябрило», «Течёт ручей», «Калина красная» және тағы басқа танымал әндер шырқалды. Жиналғандар хорға қатысушыларға қосыла ән айтып, сахнаға билеуге де шықты. Кеш жүрекке жылы және достық жағдайда өтті.