25 қарашада Л. Н. Толстой атындағы Қостанай облыстық әмбебап ғылыми кітапханасының кітапханаларды дамыту бөлімі «Қостанай облысының кітапхана ісін дамыту тәжірибесі мен болашағы» тақырыбында онлайн нысанда басшылық мектебін өткізді.
Іс-шараға облыс кітапханаларының басшылары мен әдіскерлері қатысты. Іс-шара барысында кітап оқу мәдениетін қолдау және дамыту тұжырымдамасы, кітапхана басымдықтары және жылдық есеп беру сияқты негізгі мәселелер талқыланды. Қатысушылар жылдық есепті толтыру бойынша практикалық ұсыныстар алды, сондай-ақ республикалық кітапханалық іс-шараларға қатысу барысында алған әсерлерімен бөлісті. Бұл тәжірибе алмасуға және үздік практикалық жұмыстармен бөлісуге тамаша жағдай жасады.
#гидқазақстанға #гидпоказахстану
@saniyabezaubek