11 ақпанда Дүниежүзілік гитара күніне орай Қостанай қаласының № 1 балалар музыка мектебінің гитара сыныбы бойынша оқытушысы Елена Рацпен кездесу өтті. Кездесу подкаст форматында өтті, бұл емін-еркін сөйлесуге және ашық-жарқын шынайы әңгіме-дүкен құруға жағдай жасады.
Әңгімелесу барысында Елена Рац өзінің кәсіби тәжірибесімен бөлісті, шығармашылық және педагогикалық жолы туралы айтып берді, балаларды гитарада ойнауға үйретудің ерекшеліктерімен бөлісті, музыканың тұлғаның дамуындағы маңызды рөлін атап өтті. Оқушылардың шығармашылық әлеуетін ашудағы және өнерге деген сүйіспеншілікті қалыптастырудағы оқытушының маңыздылығына ерекше назар аударылды.
Әңгіме барысында қызықты сұрақтар қойылды, Еленаның педагогикалық тәжірибесінде орын алған қызықты оқиғалар мен өз басынан өткен күлкілі сәттер ортаға салынды. https://www.youtube.com/watch?v=sXjNhaSYPQE