Наурыз айында оқырмандар үшін Л. Н. Толстой атындағы ҚОӘҒК қонақжайында Дүниежүзілік поэзия күніне орайластырылған «Астарлы сөздер алаңы» атты кітап көрмесі ұйымдастырылды.
Поэзия адамның көңіл күйін, күйініші мен сүйінішін, қайғысы мен қуанышын, арманы мен өкінішін жеткізетін және бейнелейтін керемет құрал болып қалып отыр. Осы әдеби жанрдың маңыздылығын атап өткен ЮНЕСКО 21 наурызда Дүниежүзілік поэзия күнін бекітті.
Бұл тақырыптық көрме ежелгі ережелерден бастап қазіргі заманның батыл эксперименттеріне дейінгі поэтикалық әлемнің барлық алуан түрлілігін көрсетеді. Оқырмандар жергілікті сөз шеберлерінің антологияларымен, сондай-ақ олардың жеке басылымдарымен таныса алады. Поэзия әуесқойлары мен кәсіби әдебиетшілер үшін сүйікті авторларының шығармаларын тереңірек түсінуге көмектесетін өлең жазу теориясы мен поэзия тарихы туралы кітаптар ерекше құнды болып табылады.