1 сәуірден бастап Әмбебап оқу залында адамзат тарихындағы ең ауқымды техногендік трагедиялардың бірі – Чернобыль атом электр станциясындағы апаттың 40 жылдығына арналған «Чернобыль: қырық жылдан кейінгі жағдай» атты тақырыптық көрме рәсімделді.
Көрме келушілерді апаттың себептерімен және салдарымен, апатты жоюшылардың ерлігімен, өмірі 1986 жылғы 26 сәуірден бастап күрт өзгерген адамдардың тағдырымен таныстырады.
Ұсынылған басылымдардың ішінде оқиғалар хроникасы, деректі материалдар, куәгерлердің естеліктері, ғылыми зерттеулер, сондай-ақ Чернобыль трагедиясына арналған публицистикалық және көркем шығармалар бар.
Көрме сол жылдардағы оқиғалардың тарихи жадын сақтауға, адамның қателігінен болған апаттың салдарын және планетамыздың болашағы үшін жауапкершіліктің маңыздылығын еске салуға арналған.
Барлық тілек білдірушілерді көрмені тамашалауға шақырамыз.
Бейнеролик жасау үшін ЖИ құралдары қолданылды.