13 сәуірде Л. Н. Толстой атындағы Қостанай облыстық әмбебап ғылыми кітапханасының қабырғасындағы «Америка бұрышы» АРО-да Халықаралық ғарышқа ұшу күніне орайластырылған «Интерстеллар» ғылыми-фантастикалық фильмінің қаралуы болды. Іс-шара «Қостанай колледжі» мекемесінің студенттері мен қала мектептерінің оқушыларына заманауи физика гипотезаларымен және жерден тыс кеңістікті игеру тақырыбымен қызықты түрде танысуға мүмкіндік берді.
Кинокартинаны талқылау барысында жастар салыстырмалылық теориясы, ғаламның құрылымы және кейіпкерлердің моральдық таңдауы туралы талқылай отырып, жоғары білімдарлық көрсетті.
Бұл формат жастарға әлемдік кинематографтың үздік туындыларынан ләззат алып қана қоймай, сондай-ақ көркем шығарма арқылы ғылыми білімнің маңызын түсініп, адамзаттың ғарыш кеңістігін игеруге деген ұмтылысын терең сезінуге мүмкіндік берді.