17 сәуірде Ұлттық кітап күні аясында кітапхана қабырғасында жергілікті ақын, драматург, сатирик, Қазақстан Жазушылар одағының мүшесі Абылай Мауданның Наурызым қорығына арналған «Ғажайық арал» кітабының тұсаукесері өтті. Биыл табиғи қорық өзінің мерейтойын – құрылғанына 95 жыл толуын атап өтуде.
Іс-шараға Науырзым ауданының шығармашылық зиялы қауым өкілдері, сондай-ақ Қостанай облысының ақындары мен жазушылары қатысты. Кездесу барысында қорық туралы қызықты және көпшілік біле бермейтін фактілер айтылып, оның тарихы мен қазіргі жағдайы туралы мәселелер талқыланды. Жиналғандар авторға және іс-шараға қатысушыларға өздерін қызықтырған сұрақтарын қоюға мүмкіндік алды.