ІІМ Қылмыстық-атқару жүйесі комитетінің «№ 40 мекемесі» РММ-нде Ұлттық кітап күні аясында Қазақстанның халық жазушысы Қабдеш Жұмаділовтың туғанына 90 жыл толуына орайластырылған «Қазақтың дарабоз жазушысы» атты әдеби қонақжай өтті.
Іс-шара барысында қатысушылар Ұлттық кітап күнінің пайда болу тарихы, оның кітап оқуды насихаттаудағы және мәдени мұраны сақтаудағы рөлі туралы білді. Жазушының өмірбаяны мен шығармашылық мұрасына, оның қазақ әдебиетіне қосқан үлесіне ерекше назар аударылды.
Қатысушыларға бейнефильмдер ұсынылып, кітап көрмесі ұйымдастырылды, соның арқасында олар Қабдеш Жұмаділовтың шығармаларымен және оның шығармашылығына арналған әдебиеттермен танысты.