8 мамырда Көзі көрмейтін және нашар көретін азаматтармен жұмыс бөлімнің «До-Ре-Ми» музыкалық клубы қала тұрғындарын Жеңіс күніне арналған «Жүректер мен жырларда сақталған ерлік» концерттік бағдарламасымен құттықтады.
Сахнаға шыққан клубтың әншілері «Синий платочек», «День Победы», «Журавли» және т.б. танымал әндерді нақышына келтіре орындап, көрермендерге шынайы эмоциялар сыйлады.
Қонақтар концерттің жылы атмосферасы мен шынайылығын атап өтті. Көрермендер таныс әндерін қосыла шырқады, әртістерге қошемет көрсетіп, қолдап отырды, соғыстың қиын жылдарын еске алысты.
Бұл кеш өткенді есте сақтаудың және оны болашақ ұрпаққа жеткізудің қаншалықты маңызды екенін еске салды.