Құрметті оқырмандар! 16 мамырдан бастап Әмбебап оқу залында 1992 жылғы 4 маусымда бекітілген Қазақстан Республикасының мемлекеттік рәміздеріне арналған «Мемлекеттік рәміздер – ұлт мақтанышы» атты тақырыптық көрме қойылды.
Өзінің туын, елтаңбасын және әнұранын айқындап алу тәуелсіз мемлекеттің қалыптасуының маңызды кезеңдерінің бірі болды. Мемлекеттік рәміздер қазіргі Қазақстанның мызғымас негізі болып табылады, тәуелсіздік, бірлік және ұлттық бірегейлік идеясын бейнелейді, сондай-ақ еліміздің әрбір азаматының мақтанышы болып табылады.
Көрмеде рәміздеріміздің жасалу жолы жайында баяндайтын «История формирования государственных символов Республики Казахстан», «Основы государства и права современного Казахстана», «Біздің Отанымыз – Қазақстан!» кітаптары және т.б. басылымдар қойылған. Көрме материалдары елдің тарихи даму жолын көрсетеді, сондай-ақ оның қазіргі экономикалық, әлеуметтік және саяси өмірі жайында мол мағлұмат береді.
Барлық тілек білдірушілерді бір ай бойы жұмыс істейтін көрмені көруге шақырамыз.
Көрме туралы бейнеролик жасау үшін заманауи жасанды интеллект құралдары пайдаланылды.