27 мамырда Л. Н. Толстой атындағы Қостанай облыстық әмбебап ғылыми кітапханасының абонементтер бөлімінің меңгерушісі Елена Александровна Южина Бүкілресейлік кітапханалар күніне арналған «Волонтерские библиотечные практики в сфере культуры: опыт стран Содружества» атты халықаралық вебинарға қатысты. Іс-шараны Санкт-Петербург мемлекеттік мәдениет институты ұйымдастырды.
Вебинар барысында Ресей, Қазақстан және Қырғызстан кітапханаларының өкілдері табысты жобаларды ортаға салды және мәдениет саласындағы волонтерлік бастамаларды іске асырудың практикалық тәжірибесімен бөлісті. Елена Александровна өз баяндамасында халықтың осал топтарын мәдени және қоғамдық өмірге әлеуметтік бейімдеуге, қолдауға және тартуға бағытталған «Открой свою книгу: библиотека как пространство поддержки и ресоциализации» жобасын ұсынды.
Қатысушылар кітапхананың қарым-қатынас, тұлғалық өсу, қолдау және әлеуметтік интеграция үшін ашық кеңістік ретіндегі заманауи рөліне ерекше назар аударды. Ұсынылған тәжірибе кәсіби қызығушылық тудырды және волонтерлер практикасының кітапхана жұмысын дамытудың болашағы бар бағыттарының бірі ретіндегі маңыздылығын растады.
Іс-шара жылы кәсіби атмосферада өтті және халықаралық диалог, идеялармен алмасу және кәсіби байланыстарды нығайту үшін маңызды алаңға айналды. Мұндай кездесулерге қатысу кітапхана қауымдастығын дамытуға, мәдени бастамаларды ілгерілетуге және заманауи кітапхананың мүмкіндіктерін кеңейтуге ықпал етеді.