Қазақстан Республикасының мемлекеттік рәміздері күні қарсаңында Л. Н. Толстой атындағы Қостанай облыстық әмбебап ғылыми кітапханасы Қазақстан Республикасы ІІМ Қылмыстық-атқару жүйесі комитетінің «№ 38 мекемесі» РММ-де «Мемлекеттік рәміздер – еліміздің негізі» атты іс-шара ұйымдастырды.
Кездесу барысында кітапхана қызметкерлері қатысушыларды мемлекеттік рәміздердің қалыптасу тарихымен таныстырып, олардың мемлекеттің тәуелсіздігі мен ұлттық бірлікті нығайтудағы рөлі туралы айтып берді. Іс-шараға қатысушылар мемлекеттік рәміздерді әзірлеу және бекіту процесін көрсететін деректі фильмді қызығушылықпен қарады.
Кездесу соңында мемлекеттік рәміздер мен Қазақстан тарихына арналған зияткерлік викторина өткізілді. Сұрақтарға жауап бере отырып қатысушылар өз білімдерін тексеруге және ой-өрістерін кеңейтуге мүмкіндік алды.