Өнер туралы әдебиеттер бөлімінде көрнекті кеңес композиторы, Қазақ КСР халық әртісі Латиф Хамидидің туғанына 120 жыл толуына арналған «Ешқашан ескірмейтін вальс» атты безендірілмелі кітап көрмесі жұмыс істей бастады.
Көрме келушілерді қазақ музыка өнерінің дамуына зор үлес қосқан композитордың өмірімен және шығармашылық мұрасымен таныстырады. Көрмеде Латиф Хамидидің шығармашылық жолы, белгілі туындылары, көрнекті мәдениет қайраткерлерімен шығармашылық байланысы және ұлттық кәсіби музыканың қалыптасуындағы рөлі туралы баяндайтын кітаптар, мақалалар, фотосуреттер, ноталық басылымдар мен басқа да материалдар ұсынылған.
Көрмеде композитордың қазақ музыка мәдениетінің алтын қорына енген шығармаларына ерекше назар аударылады. Көрме 17 шілде мен 17 тамыз аралығында жұмыс істейтін болады.