Әмбебап оқу залы ұшқыш-ғарышкер, Кеңес Одағының Батыры, авиация генерал-майоры, Халық қаһарманы, ғарышты бағындырған тұңғыш қазақ Тоқтар Әубәкіровтің 80 жылдығына арналған «Ғарышқа ұшқан тұңғыш қазақ» атты әдебиеттің ұсынымдық тізімін дайындады.
Әдебиеттің ұсынымдық тізімі оқырмандарды Тоқтар Әубәкіровтің өмірімен және кәсіби жұмысымен, оның авиация мен ғарышкерлікті дамытуға қосқан үлесімен, қазақстандықтың ғарышқа алғашқы ұшуының тарихымен таныстырады. Басылымға ғарышкердің ерлікке толы жолы, оның сынақ жұмыстарына қатысуы және қоғамдық қызметі туралы кітаптар, мақалалар, деректі материалдар мен жарияланымдар кірді.
Тізімнің материалдары көпшілік оқырманға: оқушыларға, студенттерге, оқытушыларға, сондай-ақ Қазақстан тарихына, авиацияға және ғарышты игеруге қызығушылық танытқандардың барлығына арналған.