Л. Н. Толстой атындағы Қостанай облыстық әмбебап ғылыми кітапханасы Қазақстан Республикасы ІІМ Қылмыстық-атқару жүйесі комитетінің «№ 40 мекемесі» РММ-нің сотталғандары үшін Қазақстан халқының тілдері күніне арналған «Тіл – халықтың жаны: Ахмет Байтұрсынұлы» атты ақпарат сағатын өткізді.
Іс-шара барысында қатысушылар Қазақстан халқы тілдерінің ерекшеліктерімен танысты, көрнекті ағартушы, ғалым және қоғам қайраткері Ахмет Байтұрсынұлының өмірі мен қызметі, сондай-ақ оның қазақ тілі мен мәдениетін дамытуға қосқан елеулі үлесі туралы білді.
Кездесу танымдық және мазмұнды түрде өтіп, қатысушыларға Қазақстанның тілдік және мәдени мұрасы туралы көбірек білуге мүмкіндік берді.