16 қыркүйекте «IQostanay» оқушылар сарайында ақын Кеңшілік Мырзабековтің туғанына 80 жыл толуына арналған әдеби-сазды кеш өтті.
Іс-шара аясында «Л. Н. Толстой атындағы Қостанай облыстық әмбебап ғылыми кітапханасы» КММ «Сөзбен сурет кестелеген дара ақын» атты кітап көрмесін ұйымдастырды. Көрмеге ақынның әр жылдары жарық көрген жыр жинақтары, мерзімді басылымдарда жарияланған шығармалары, өмірі мен шығармашылық жолы туралы мақалалар, естеліктер мен зерттеу материалдары, сондай-ақ ақынның жеке заттары қойылды.
Кітап көрмесі Кеңшілік Мырзабековтің шығармашылығын, өзіндік қолтаңбасы мен әдеби мұрасын кеңінен насихаттауға ықпал етті.