29 қыркүйекте Көзі көрмейтін және нашар көретін азаматтармен жұмыс бөлімі зияткерлік демалысты ұнататындарды екінші «Слабое звено» ойынына жинады.
Бұл жолы қатысушылар детективтер мен шытырман оқиғалы фильмдер әлеміне сапар шекті. Бірнеше раунд бойы олар Артур Конан Дойл, Агата Кристи, Жюль Верн, Александр Дюма, Роберт Льюис Стивенсон және басқа классиктердің шығармаларын еске түсіре отырып әйгілі әдеби детективтер, атақты авторлар, шытырман оқиғалы роман кейіпкерлері және танымал фильмдер туралы сұрақтарға жауап берді.
Ойын достық бәсекелестік жағдайында өтті. Қатысушылар сұрақтарға қызығушылықпен жауап беріп, жауаптардың нұсқаларын талқылады, өздерінің білімдарлығын, жақсы есте сақтау қабілетін және логикалық ойлау дағдыларын көрсетті. Зияткерлік сайыс тек білімдерін тексеруге ғана емес, сонымен қатар детективтік және шытырман оқиғалы әдебиет пен кино әлемінен жаңа әрі қызықты деректерді білуге мүмкіндік берді.
Ойын қорытындысы бойынша ең білімді, тапқыр қатысушылар анықталды. Екінші ойынның жеңімпазы Ибраева Талжибек болды. Оны лайықты жеңісімен құттықтаймыз! Көтеріңкі көңіл күйге бөленген барлық қатысушы келесі зияткерлік кездесулерді асыға күтетін болады.